Current track

Title

Artist

Bururi wa kenya niuragiire na igutha thutha wa timu ya arume na ya nyarari aria marakimithuranaga kabiraini ka beach volleyball teams kuminjio nja wa ngumuthurano ici.

Written by on March 15, 2024

  • NAIROBI & ENVIRONS 91.0 | MT KENYA REGION 91.1FM

Bururi wa kenya niuragiire na igutha hari ngucanio iria cirathii nambere na kurimanwo cia gitaru kia Africa, na iria ciranyitanirwo mashati mwena wa accra bururiini wa Ghana.Uu ni thutha wa timu ya arume na ya nyarari na iria marari na muihoko munene makiria nao, aria marakimithuranaga kabiraini ka beach volleyball teams kuminjio nja wa ngumuthurano ici. Timu ici cieri niciramathiite kanya ga gututhurana gikiroini kia quarter final, na akenya marari na muihoko wa ati nio makuhiuka na uhotani ngumuthuranoini ici.Timu ya imwana na aria marakumuthuranaga ngumuthuranoini ici rita ria mbere, maraminjirio nja ni timu ya bururi wa south Africa, na ikimithuro ria seti 2-0.seti yambere marakanikirwo mbao 21-12, kuria yakeri mararimirwo mbao 21-16.Mthaa 4 thutha wa aya kuminjio nja wa ngucanio ici, thabari ya nyarari cia guku bururiini nayo irakinyithio muthia ni timu ya nyarari cia Egypt,na igutha ria seti 2-0.Nyarari ici na iria cirathiite na matanya manene ma kuhiuka na uhotani uyu,kuona hari ngucanio cia kimera kihituku mahiukire na ngoga ya silver,maugiite o kuminjio nja wa ngucanio ici, kuumaniite na kwaga guika mehaririria ma kuigana, makiuga thiku 10 iria marari Mombasa, na 5 iria marari Strathmore university guku Nairobi matirari na kundu kwega gwa guikira mehaririria mao.Maikiitie ihoya kuri thirikari makiuga imateithiririe na kundu kwega gwa guikagira mehaririria mao, niguo makahota kurirukagia bendera ya kenya na njira njega.


Current track

Title

Artist