SAKAJA KWIRANIRA KUHINGURA KAUNTI KAUNTI KUGERERA WAKI WA MABARABARA NAIROBI
Written by Kayu Digital Team on March 14, 2024
- NAIROBI & ENVIRONS 91.0 | MT KENYA REGION 91.1FM
Ngabana wa kaunti ya Nairobi Johnson Sakaja niakinyiririe mubango wake wa kuhitana na thina wa miako ya mabarabara matura-ini ma Nairobi hamwe na muathianiroro wa ngari kuria kuri na muhatiano wa ngari na andu.
Akiaria thutha wa gutabania icera ria ward ithatu cia gicigo bunge gia Kamukunji, Nairobi na iria ni California, Eastleigh North na Airbase, Sakaja augite thina wa barabara na makiria cia matura niundu thirikari ikiriire muuno kuhitana naguo kaunti-ini ya Nairobi, kuria ningi augite mari mutaratara-ini wa muthia wa guka na kihonia kia muthianiriro wa ngari muci-ini wa Eastleigh kugerera waki wa barabara ciothe cia tauni ino gatagati ka maundu mangi.
Maya mokite riri nake mubunge wa gicigo giki gia Kamukunji Yusuf Hassan agathiririe wira wa kaunti wa kwagirithia miako ya barabara tauni-ini ya Eastleigh, miario yake ino ikiyukio ni MCAs a matura ma Kamukunji na aria maugite thina munene wa gicigo giki ukoretwo uri miako mithuku ya barabara.
