PSC; GUTIRI MUNDU WAMURITE MARIBE TA MWARIA MA MINISTRY YA UTUNGATA WA MUINGI
Written by Kayu Digital Team on March 14, 2024
- NAIROBI & ENVIRONS 91.0 | MT KENYA REGION 91.1FM
Kirumirira ndumiriri ya ministry ya utungata wa muingi kugerera minister Moses Kuria ya kwamurwo ka mwandiki wa mohoro wanahau kabere Jacque Maribe ta murugamiriri wa ukinyaniria ministry îno, komichoni ya wandikani wa thirikari PSC, niyagithitie kiene riboti ici.
Hari ndumiriri kuuma kurî muikariri gîtî wa kamitii îno Ambassador Anthony Muchiri, augite oo gutiri wamurani ta uyu matabanitie, na uguo kwagithia kiene kwamurwo kwa Maribe gukorwo arî gaturu-ini ka ruhonge rwa ukinyaniria Ministry-ini ya utungata wa muingi.
Ndumiriri ya PSC yukite, rîrî minister Moses Kuria eriga kuuga Maribe aramuritwo gîturua-ini giki ni kamitii îno, na îrîa ikinyiriirie gutiri ihoya ria kuria wira wa ukinyaniria mamukirite ta komichini, undu uyu riu ukirehe kiriga kia wamurani wa Maribe thirikari-ini.
