Current track

Title

Artist

Malkia strikers nimararirukirie bendera ya kenya na njira njega mwena wa Accra Ghana.

Written by on March 13, 2024

  • NAIROBI & ENVIRONS 91.0 | MT KENYA REGION 91.1FM

Timu ya bururi ya nyarari ya kabira ka volleyball malkia strikers,na aria mahiukiite nginyagia bururiini wa Ghana niguo gutetera title yao ya gitaru kia Africa, nimararirukirie bendera ya kenya na njira njega hari ngarangano yao ya mbere ngucanioini iria cirathii nambere cia gitaru kia Africa mwena wa Accra Ghana. Malkia strikers marahingurire thabari ya gutetera title ino na gubirabira timu ya bururi wa Seychelles na igutha ria seti 3 makirite ki ta maai irutuini. Malkia aria mahiukiite na title ino maita 10 riu, marakumuthurire aruna ao mbao 25-15 seti ya mbere, maramakanika mbao 25-8 seti ya keri, na muthia maramarima mbao 25-22 seti ya gatatu. Kungi nakuo imwana cia guku bururiini iria ciratuthurana ngaranganoini cia beach volleyball, niciremathiire kanya ga gututhurana gikiroini gia quater final ya ngucanio ici, thutha wa kwambura aruna ao kuuma bururiini wa Rwanda na seti 2-0.Hari seti yambere maramakanikire mbao 22-20, yakeri maramarima mbao 21-19.Mwena wa nyarari, na aria mamathire ngoga ya silver hari ngarangano cia kimera kihituku iria ciakumuthuranagirwo bururiini wa morocco, nimamaathiite kanya gaka, na mari na ngumuthurano matarimaniite.


Current track

Title

Artist