KENYA KURUGAMIA MUBANGO WA GUTUMA BORITHI 1,000 HAITI
Written by Kayu Digital Team on March 13, 2024
- NAIROBI & ENVIRONS 91.0 | MT KENYA REGION 91.1FM
Bururi wa Kenya niurugamitie mihang’o ya gutuma maabithaa a borithi 1,000 bururi-ini wa Haiti niguo guthii kuiga thayu.
Kuringana na mwandiki munene wa maundu ma nanja ma bururi Korir Sing’oei niati mihang’o irugamitio kwa ihinda kumana na ikinya ria muthenya w aira ria uria urari prime minister wa bururi uyu Ariel Henry gutiga wira, Sing’oei akiuga ikinya riri niriambite kurugamia mubango uyu na mithingi ya ati gutiri utongoria wa thirikari uri bururi uyu na uria wagiriirwo gutungania mwerekera hari utongoria wa kiugitiri.
Onagukiri uguo Sing’oei niaugite bururi wa Kenya niwiharirie ihinda riothe kwagia thirikari nyitiriri gukinyaniria gutuma mbutu cia borithi ta uria kwari uiguano-ini wa thirikari ya Haiti na Kenya gutuma maabithaa a borithi guthii Haiti kuiga thayu.
