MARIHI MA THITIMA BURURI-INI GUIKURUKA NA CIRINGI IMWE.
Written by Kayu Digital Team on March 12, 2024
- NAIROBI & ENVIRONS 91.0 | MT KENYA REGION 91.1FM
Akenya no mathiite nambere oro kahora kwaurwo marihi ma iguru wa thitima, uu ari thutha wa mathogora ma thitima hari oro unit imwe mweri-ini uyu guikuruka na ciringi imwe.
Ikinya riri riumanite na makinya ma ruhonge rwa mahinya rwa EPRA rwa guikurukia marihi ma maguta ma kuheana thitima kuuma ciringi 4.14 nginyagia ciringi 3.64 hari kilowatt imwe ya thitima.
Gukuruka kwa mathogora marihi ma thitima mweri-ini uyu gukite riri ikinya ota riri rirakinyanirio mweri muhetuku, kambuni ya Kenya Power kugerera murugamiriri munene wao Joseph Siror akiuga makinya maya no meguthii nambere gukinyanirio.
