ARUTANI A JSS KUGATHIKIRWO KIGINA GIA KUMANDIKA KUUNA
Written by Kayu Digital Team on March 12, 2024
- NAIROBI & ENVIRONS 91.0 | MT KENYA REGION 91.1FM
Muikariri giti wa kamitii ya budget bunge-ini ya bururi na uria ni mumbunge wa Kiharu Ndindi Nyoro, augite budget ya mwaka uyu iri na kiguni kinene kuri muingi wa bururi uyu.
Agakiuga nimarikitie gwikira billion 220 waaki-ini wa mabarabara, ari njira imwe ya kwarahura utonga wa bururi, hamwe na kigina kingi gia githomo akiuga kamitii ya wandikiani wa arutani TSC niyongereirwo ciringi billion 26.3 hari kigina kiria ithukagirwo oro mwaka niguo guteithiriria hari kwandika arutani makiria amwe ao ari arutani a JSS aria makoretwo makiruta wiira na njira ya kandarathi.
Gukiri uguo no ahithuritie ni mongereire kigina honge-ini cia urimi niguo gutigirira nimahura njeki urimi wa bururi uyu.
