RIGATHI GACAHGUA NA NGABANA SAKAJA GUKINYIRIRIA MBARA YA NJOHI THUMU

Riri mbara ya kuhitana thumu iingiritew gikiro kingi kugerera ugathiki wa mawatho maruru ma thirikari, munini wa president Rigathi Gachagua niakinyiririe ndegucoka na thutha hari kuhitana na njohi ino onathengia wa mikana ya kuaya kurwo ni kura iguru ria ikinya riri.

Kuringana na Gachagua na uria uthukiirwo wira uyu ni president, augite ndegucoka na thutha hari kuhitana na njohi thumu, akiuga gutiri mikana ya uteti ona imwe ikuenyenyia murugamo wake na thirikari hari kugitira ruriri kuuma kuria augite ni wanangi wa ruriri kugerera njohi ici.

Maya mokite riri nake ngabana wa kaunti ya Nairobi Johnson Sakaja akinyiririe murugamo wake wa kuhinga irabu ciothe na iria iri ciikaro-ini cia muingi kaunti-ini ya Nairobi, akiuga ici ni ugwati kuri muingi, kuria oro ho akinyiririe kuhingwo kwa irabu iria iri thitinji-ini cia ngari niguo kuhitana na kiria augite ni uhindi wa njohi hari matereba na makanga.