ARIMI A MAKOROBIA GUAKAYA IGURU RIA UICI WA MAKOROBIA MIGUNDA-INI MURANG’A

Mathina ma murîmi na makîria wa makorobia monekanite matiguthiraga maatîra, haria thutha wa thirikarî kumucamura na njira ya kumugathîkira igoti akîendia itunda rîrî, riu no atunganite na igutha ríngî rîa turîa nîme turîa turahurura matunda maake na kumendia mukohoro.

Maiyuirwo nî mathirî moigîte nî matindîkîtwo oro kuigana, makiuga urîmi uyu rîu werekeire gukububana ota urîmí waturaga umanyitîríire wa kahua, na urîa wacokire guthinikania.

Gukîri uguo muikaríri gîtî kiamani kia endia na aguri a makorobia bururi-ini niwe Joseph Wanjohi wa Mukuria, akoria bunge guuka na watho wa kugitîra arîmi kuuma kurî turîa nîme, ningî agîkiuria thirikari guuka na thaîrîra ya murîmi wa makorobia oro urîa ikoretwo îgíthaîrîra arîmi a mîmera îngî.