Current track

Title

Artist

PRESIDENT RUTO KURUGAMIA WIRA MUCIRITHANIA MOHAMMED NOOR

Written by on March 9, 2024

  • NAIROBI & ENVIRONS 91.0 | MT KENYA REGION 91.1FM

Muthenya umwe tu thutha wa mucirithania munene Martha Koome akinyaniria mendikithia hari president Willaim Ruto ma guthugunda kamitii ya muanya ya kurora mateta maria matunganitio hari mucirithania wa maundu ma migunda na mariua maturigiciirie, Mohammed Noor Kullow, niamurite kamitii ya amemba 7 guthuthurania na mucirithania uyu na oho akamuruigamia wira.

Mucirithania Noor akoretwo akuruhanitio na mahitia ma kuagarara gatiba ya bururi, ungumania na wagarari wa mawatho ma wira rungu rwa ruhonge rwa ucirithania, mateta ma andu ana magitambarukio kuri kamitii ya utungata wa magoti na iria muthia irakinyaniria gukunjura mendikithia mayo kuri president ma kuenda uyu athuthurio kuuna.

Kumana na auu president niatunganitie kurugamia mucirithania uyu na kwamura ndundu ya muanya ya amemba aya mugwanja rungu rwa mucirithania Patrick Omwenga, kuria eguteithiriria ni acirithania angi eri aria ni Margaret Njoki Mwangi na Anthony Charo Mrima.

Angi a amemba ni hamwe na wakiri Jinaro Kipkemoi Kibet, SC, Wanjiru Mwariri, Rukia Abdinasir Mohamed na Charles Mulila kuria nake wakiri Dorcas Agik Oduor egukorwo agiteithiriria kamitii ino.


Current track

Title

Artist