Thirikari ihuthirite oro ciringi 70B thiini wa itina ria nuthu mwaka ria mbanjeti ino.

Mutabariri wa banjeti guku bururi-ini DR Margaret Nyakang’o niahithuritie ati thirikari ya kenya kwanza ,ni irathii mugaru na watho gwakinya ni uhuthiri wa kigina kia uthii wa nambere, akiuga thiini wa banjeti ya 2023/2024 thirikari ihuthirite oro ciringi 70B thiini wa itina ria nuthu mwaka ria mbanjeti ino

Nyankang’o akiaria mbere ya kamiti ya kigina na mibango muthenya wa umuthi , augite mbirioni ici 70 ,ni ikiringithanio na 783B cia mwaka mugima , akiuga gicunji kia 35 hari igana nikio kiagiriiruo kuhithika tabarira-ini cia uthii wa nambere