MWIKUIRWO WA UICI WA KIAHINYA NYERI GUIKIO NGONO
Written by Kayu Digital Team on March 7, 2024
- NAIROBI & ENVIRONS 91.0 | MT KENYA REGION 91.1FM
Maabithaa a borithi nimaikitie ngono mwikuirwo munene na uria ukoretwo ukigiritanio na ngero cia uici wa kiahinya, wendia wa ndawa, uici wa thimu gatagati ka mahitia mangi kaunti-ini ya Nyeri.
Peter Ndiritu Ndirangu kana na ritwa ringi Kimaitho wa ukuru w amiaka 35 aikitio ngono ari rihithiro riake ria Witemere, uu ari thutha wake gukunyanirirwo ni muingi.
Riboti cia ruhonge rwa DCI ciuigite Kimaitho arahithukirio ari na tumihuko 12 twa ndawa cia kurebia, mitong’o ya bangi 9 na hiu cia njura na tuhiu, riboti makiria ikiuga uyu arakoretwo kuuma njera mweri wa dithemba mwaka muhetuku, nah au kwambiriria ciiko cia wikinai matura-ini ma Witemere, Majengo, Kiawara na Blue Valley mwena wa Nyeri
