KUUMA MONDAY KIUMIA GIGUKA GUTIRI UTUNGATA WA URIGITANI, KMPDU KUUGA
Written by Kayu Digital Team on March 7, 2024
- NAIROBI & ENVIRONS 91.0 | MT KENYA REGION 91.1FM
Kuuma mwambiririo wa kiumia giguka akenya maya gwikora handu haceke makiria hari maundu ma urigitani uu ari thutha wa thirikari kung’athiria kuuna wendi wa kiama kia arigitani gia KMPDU ikiuga ndiri na mbeca cia gukinyaniria wendi wao ihinda-ini riri.
Kugerera minister Susan Nakhumicha, ministry ino yugite kwa ihinda riri gutiri undu ingihota makiria hari kuingira ngirimiti-ini ingi irahutania na mbeca kuona moko mao nimohe kimbeca kuuma ministry-ini ya kigina, minister uyu akiuga matiri na uhoti wa gutuma arutwo 1,200 mathibitari-ini ma muingi niguo kwinora thutha wa kurikia mathomo mao.
Maya mokite riri nakio kiama kia arigitani KMPDU kugerera munini mwandiki munene wa kiama giki Dr Dennis Miskellah ati rung’athio rwa thirikari hari guthingata mendikithia mao, mekumatiga matari na wiki kuuma mwmabiririo wa kiumia giguka oro tiga kugomera motungata ma urigitani thibitari-ini ciothe cia muingi bururi-ini, ngucanio ino riu na iria irari rungu rwa miario gatagatai ka ministry na kiama giki ikionekana kuaga kugia na umuthio oro wothe.
