KAMBUNI 19 KUHEO MARUA NI CBK MA GUKOMBITHANIA MBECA KUGERERA NENDA
Written by Kayu Digital Team on March 7, 2024
- NAIROBI & ENVIRONS 91.0 | MT KENYA REGION 91.1FM
Bengi nene bururi-ini CBK niyandurite namba ya kambuni cia ukombithania wa mbeca kugerera njira ya nenda nicio Digital Lender nginyagia 51, uu ari thutha wa kuheana marua hari kambuni ingi njeru 19.
Kuringana na CBK niati makinyanirie kuheana marua hari kambuni ici 19, uu ari thutha wa kurora mahoya 480 na maria marakunjuritwo kuri oo kuma mweri wa gatatu mwaka-ini wa 2022, makiria ma uu CBK ikiuga iri oro mihang’o-ini ya kurora Magana ma mahoya ma kambuni ingi ma gwitikirio kuheo marua ma utungata wa ukombithania wa mbeca kugerera nenda-ini.
Ikinya ria kuramata kambuni ici weru, riamunire na mawatho meru maria meriga kuhagikwo thutha wa kambuni ici kwirikana ni irahuragira andu a bamiri cia aria makobothitio mbeca kumarandura hamwe na kugathika njoherera iri iguru cia ngombo mugaru na watho wa bururi.
