MUNGURURIRIO WA KUHITANA NA UICI WA THIMU GUTIGA ANDU 12 MAIKITIO NGONO NAIROBI
Written by Kayu Digital Team on March 6, 2024
- NAIROBI & ENVIRONS 91.0 | MT KENYA REGION 91.1FM
Riri mungururirio wa kuhitana na aici a thimu cia moko uthiite nambere na gutunganio kaunti-ini ya Nairobi ekuirwo 12 nimaikitio ngono matura-ini matiganite ma kaunti ino iguri ria ciiko cia uici wa thimu cia mko, Laptops hamwe Tablets.
Hari ndumiriri DCI yugite aya maikitio ngono na makumi ma thimu ici thutha wa birigiceni nene, kuria guku gatagati ka mucii wa Nairobi ekuirwo atatu ari nji Samuel Kang’ethe, Anthony Kamau na Kelvin Kihara maikitio ngono na kihiri gia thimunduka-ini itiganite thoko-ini ya Kamukunji na Cianda Market.
Mwena wa Lang’ata nakuo ekuirwo eri aria ni Lyne Wambui na Paul Wainaina nimakitio ngono na thimu cia uici 24, mihang’o ino ikihinyio matura-ini ma Ruai na Kamulu kuria nakuo ekuirwo atano maikitio ngono.
