Njorua ndeteri eliud kipchoge gutiriha ihenya ria gutua ng’ongo ria Tokyo marathon ari namba 10.

Thutha wa gutiriha ihenya ria gutua ng’ongo ria Tokyo marathon ari namba 10, njorua ndeteri ya ihenya riri eliud kipchoge, augiite niaratunganire na tumathina tutiganiite e gatagati ka ihenya riri, onagutuika ndanatariria ni tumathina muthemba uu. Augiite mithenya yothe ndihananaga, na kuona niarahotirwo ihenyaini riri, riu agucokereria na mucii na guthii kuhuruka niguo kurika mehariririaini na njira njega, na kuuma hau acokererie mahenyaini ma Olympics. Kipchoge na uria urari na matanya ma gubunja rekondi iria iraigiitwo ni njorua ya thi ya mahenya ma gutua ng’ongo kelvin kiptum uria wiriga gukua kurumirira mutino muuru wa barabara, arandikithirie ihinda ria mathaa 2:06:50, ithenya ria mbere rikiandikithio ni benson kipruto andikithiitie ihinda ria mathaa 2:02:16, ithenya ria keri riramathwo no mukenya Timothy kiplagat andikithiitie mathaa 2:02:55 kuria nario ithenya ria gatatu riramathirwo ni Vincent Ng’etich andikithiitie ihinda ria mathaa 2:04:18.mwena wa nyarari title ya ihenya riri iramathirwo ni mwenyeri wa bururi wa Ethiopia Sutume Asefa Kebede, uria urandikithirie ihinda ria mathaa 2:15:55. Njorua ndeteri uria ni wa guku bururiini Rosemary Wanjiru ararikirie ari namba 2, andikithiitie ihinda ria mathaa 2:16:14, kuria nake njorua ya thi ng’ima kuuma bururi wa Ethiopia Amane Beriso Shankule ararikirie ari namba 3 andikithiitie ihinda ria mathaa 2:16:58.Njorua ya umbuthuki ya Netherlands sifan hassan ararikirie ari namba 4, an dikithiitie ihinda ria mathaa 2:18:05.