KIEHA THUTHA WA MUNDURUME KURAGA ANDU A BAMIRIRI YAKE, BOMET
Written by Kayu Digital Team on March 2, 2024
- NAIROBI & ENVIRONS 91.0 | MT KENYA REGION 91.1FM
Itua ria kieha ni rirerete itura-ini ria Silibwet, kaunti-ini ya Bomet, uu ari thutha wa mundurume kuraga andu ana, ari ni hamwe na ciana ciake 2, mwana wa mundu wa bamiri yake na muruti wira wa mucii na gucoka gwithara.
Mwikuirwo na uria ukurikanite ta Robert Kilel wa ukuru wa miaka 45, erikanite gukorwo agerete ngero ino ya unyamu kuri ana aya kugerera kumarenga na banga umwe thutha wa uria ungi, igeria ria kimwana giake gikuru ria kura rikiringa ihiga kuona ahikanire nakio na gigutungia ndemango cia gikiu na gucoka gwithara.
Munini wa kamanda wa borithi wa Bomet ya gatagati Ali Bashir niekirite mukonge ngero ici, akiuga ciana iria ciuragitwo ni kairitu ka miaka 2 na kimwana kia miaka 16 na iria ni cia mwikuirwo, muihwa wake wa miaka 8 na muruti wira wa mucii wa 16.
Nginyagia riu mbutu cia borithi no iratuirania na mwikuirwo na uria witharite, kiriga gia kiria kiracungiririe makinya maya gigithiie na mbere na kurigithia bamiri na muingi wa itura.
