EACC GUKINYIRIRIA NDIRI NA MBARA NA WABICI YA THITANGO CIA MUINGI HARI MACIRA MA UNGUMANIA
Written by Kayu Digital Team on March 1, 2024
- NAIROBI & ENVIRONS 91.0 | MT KENYA REGION 91.1FM
Riri ngurutano cia kiwira gatagati ka ruhonge rwa kurua na ungumania EACC na ruriri rwa thitango cia muingi, ODPP iguru ria uthengia wa macira magoti-ini, na uguo gukonekana kuri na mukuru munene wa mbara ya ungumania bururi-ini, honge ici ni ikinyiririe itiri na utiganu wa kiwira.
Murugamiriri munene wa ruhonge rwa EACC Twalib Mbarak niwe uhithuritie maya akiuga utiganu wa kimeciria hari macira ma ungumania igoti-ini gatagati-ini ka honge ici cieri ti kionereria kia mbara gatagati gacio, agikinyiriria honge ici iri barabara-ini hari kurua na ungumania bururi-ini.
Onagukiri uguo niakinyiririe bata wa ruhonge rwa magoti, rwa EACC na ODPP kuheo kigina makiria niguo kuhiuhia macira ma ungumania, akiuga uyu noguo ugwati munene uria ung’etheire bururi nginyagia ihinda-ini riri, akiaria miario ino ari kaunti-ini ya Kilifi.
