Marihi ma thitima bururi-ini nimatanyitwo guikuruka , riri bururi wa kenya utanyite guikanirira ngirimiti na bururi wa Ethiopia.
Written by Kayu Digital Team on February 29, 2024
- NAIROBI & ENVIRONS 91.0 | MT KENYA REGION 91.1FM
Marihi ma thitima bururi-ini nimatanyitwo guikuruka , riri bururi wa kenya utanyite guikanirira ngirimiti na bururi wa Ethiopia , iigimaninie na kuhotithia bururi gukorwo ukiamukira gicunji kia hinya wa thitima kuuma bururu ucio
,Mwandiki munene ministry-ini ya hinya wa thitima Alex Wachira niwe urekereirie ndumiriri ino , ihinda-ini riu minister Davis Chirchir akiuga kuri na miario gatagati ka bururi wa kenya na wa Uganda, ya bururi wa kenya kuigwatira megawatts cia thitima kuuma bururi-ini ucio
Undu uyu ukite Ihinda-ini riri kigomano kia aminister a hinya uria uhuthikaga na aria ni akuma mabururi ikumi na matatu gitaru-ini kia Africa, kirathii nambere guku bururi-ini