Ferdinand omanyalla niatugiritie itua riake ria kuuganira uhoro na munoori wake wa ihinda iraya Duncan Ayiemba

Njorua ya gitaru kia Africa mahenyaini ma 100m na uria nowe njorua ya mahenya maya nyumbuthukoini cia Commonwealth Ferdinand omanyalla, niatugiritie itua riake ria kuuganira uhoro na munoori wake wa ihinda iraya Duncan Ayiemba, na kwambiriria thabari njeru na munoori Geofrey kimani

Omanyalla augiite undu uyu niuciariite maciaro, na riu niaraigua e ceba kurika mashidanoini omothe maria enamo mwaka uyu wa 2024.Ongereire kuuga kuuma moyana na munoori kimani, niathomete maundu maingi muno ataroi hau kabere, na akongerera ona umenyo makiria wa kuhiuka na thimindi nene na gubunja rekondi ngurani. Aritie uu thutha wake guikinyia glasgow mwena wa Scottish kuria atanyitwo gutungata nyumbuthukoini cia world indoor Championships. Njorua ino irahiukire na gubunja rekondi 2 cia bururi, maita 2 ihenyaini ria 60m mahenyaini ma indoor races bururiini wa France kiambiririaini kia mweri wa 2, na arauga ndangiringithania uria riu ahana na uria atarii kimera kihituku, kuona riu e ceba makiria. Omanyalla uria ni wa ukuru wa miaka 27,akurika mashindanoini ihrnyaini riri ria 60m mwena wa glasgow kuria ambiite kambi kwa ihinda riri, na kuria akinyire gikiroini gia semi andikithiitie ihinda ria seconds 6.64.Na kuona kimera giki njorua ino niihotete kuiga rekondi ya seconds 6.51 na 6.52 mahentaini 2 maria atungatite ma indoor, riu augiite ndangitikira guthii thi wa hau, na akerira mashabiki make ati ndakumaconora ona hanini. Augiite niekiite mehaririria ma kuigana agiteithiririro ni munoori wake na riu kiria atigitie nukurutithia wira mehaririria maya. Omanyalla ahiukire mahenya 2 ma indoor bururiini wa France, mwena wa miramas na paris, kuuma hau akihiuka nginyagia bururiini wa Germany kuria ekire mehaririria ma kiumia kigima mwena wa red Bull centre, na kuuma hau agicoka mucii gukindira mehaririria maya. Kwa ihinda riri ombite kambi glasgow kuria akinyire Gatano ga kiumia kihituku, na akoretwo agiika mehaririria kiharoini kiria gikahiukirwo nyumbuthuko ici cia championship iria cikaumbuthukwo gatano gaka.