Njorua ya hau kabere ya thi ng’ima, na uria ni muciarirwo wa guku bururiini Henry Rono arahurukio muthenya wa umuthi kwao mucii kuresoi mwena wa nakuru

Njorua ya hau kabere ya thi ng’ima, na uria ni muciarirwo wa guku bururiini henry rono arahurukio muthenya wa umuthi kwao mucii kuresoi mwena wa nakuru.Rono na uria wanarirukia bendera ya kenya na njira nene, agabunja rekondi nyingi cia thi ahurukire tariki 15 mweri uyu thibitariini wa nairobi west, kuria athiyaga nambere na kwamukira urigitani thutha wake kugumirwo ni dwari ya inda inini.Rono na uria ni wa ukuru wa miaka 71, agegirie andu aingi na endi uguthuki, thutha wa gubunja rekondi 4 cia thi ngima kwa ihinda ria thiku 81 mwakaini wa 1978. Mahenyaini ma 10,000m,rono andikithirie ihinda ria dagika 27:22.5,mahenyaini ma 5000m akiandikithia ihinda ria 13:08.4, mahenya ma steeplechase ma 3000m akiandikithia ihinda ria 8:05.4 na oho o mahenyaini maya ma kuruga maaini akiandikithia ihinda ria dagika 7:32.1.Hari mathiko ma njorua ino maria marathii nambere muthenya wa umuthi, andu a ikiro citiganiite thiini wa thirikari nimaratanywo guikinyia.Kuringana na family ya mutigairi Rono muiri wake urakinyire ira,na maundu mothe megii mathiko nimarikiriire na njira njega.
Maya mookite thiku 4 tu kuuma njorua ya thi ya mahenya ma gutua ng’ongo kelvin kiptum ahurukio, kuria akuire tariki 11 mweri uyu kurumirira mutino muuru wa barabara, uria wacungiriirie nginya munoori wake hakizimana wa rwanda onake kuhuruka.Undu uyu utigiite bururi wa kenya na ithenya inene makiria hari uguthuki.