Mutuma kuuga riera ria uruti wira niruthukite na njira nene kaunti-ini ya Meru na kuongerera maundu marathii nambere guthuka.

Njukaniriro cia kiuteti gatagati ka ngavana wa kaunti ya Meru Kawira Mwangaza na munini wake Isaac Mutuma ,no ithiite nambere na kuiyumiria thiku nini thutha wa urugari wa kiuteti kuhorera utongoria-ini wa kaunti iyo ya Meru

Mutuma eyumiritie na kuuga riera ria uruti wira niruthukite na njira nene kaunti-ini iyo na kuongerera maundu marathii nambere guthuka , ihinda-ini riu akiongerera ati niakoretwo akiamukira ndumiriri cia kuuga ati Mwangaza akoretwo akiendekithia Mutuma gutiga wira

Miario ino ya mutuma yukite ciumia nini thutha wa Ngavana wa kaunti ino kuhonoka kuhagurwo giturwa-ini ciarera , guku bamiri ya Mwangaza igikuruhanio na njuragano ya mwandiki ndeto nenda-ini Bernard amauthiani , undu uria Mwangaza augire ni njira imwe ya kuhurwo kiuteti ni munini wake hamwe na andu angi