PRESIDENT RUTO KWARUKA KAMBIINI CIA A.U HARI ODINGA BURURI-INI WA UGANDA
Written by Kayu Digital Team on February 27, 2024
- NAIROBI & ENVIRONS 91.0 | MT KENYA REGION 91.1FM
Riri bururi wa Kenya urikitie kuiyukia mihang’o ya kuhurira kambi-ini Raila Odinga cia gutuika muikariri giti wa ngwataniro ya mabururi ma Africa, president William Ruto niambiririe thabari cia kuuha atongoria a Africa kunyitirira mihang’o ino.
Uu ni thutha wake muthenya wa ira unyitaniri na Raila Odinga kugia na mucemanio wa hamwe na president wa Uganda Yoweri Museveni bururi-ini wa Uganda, kuria agenda nene irari uria mabururi ma Africa ya Irathiro mekunyitana na kwaruka kambiini cia Raila Odinga kuyukia giturua giki.
Thabari ya eri aya na aria makoretwo mari ang’ethaniri anene a kiuteti bururi-ini kwa ihinda iraya, yukite thutha wao muthia wa kiumia mathiko-ini ma president wa Namibia kuonekana mari mihang’o-ini minene ya miario na atongoria a mabururi mangi, na iria irikanite niya kwambiriria kuuha ma-president angi kunyita mbaru Odinga miito-ini yake ya kuyukia giturua kia AU kuuma kuri Moussa Faki na uria urarikiriria utungata-ini mwaka-ini uyu.
