AICI A NDUTHI ROYSAMBU KUHITANWO NAO

Thutha wa ceceni ya Kayu FM kumemerekia makaya ma atwarithia a bodaboda itura-ini ria Zimmerman R oysambu Nairobi,na aria makoretwo magikaya niundu wa wuici wa nduthi na makiria cia ngombo kuongerereka mwena uyu, mumbunge wa itura riri Augustine Kamande Mwafrika ni aiguite makaya mao na kuuga riu ni mekugia giikaro nao, niguo maarire mitaratara ya kuhitana na ekinai aya na aria makoretwo makinyamaria athukumi aya itura-ini riri.

Ikinya ria mubunge uyu riukite riri kiumia-ini giki mubunge wa Kigumo Joseph Kamau Munyoro nake arathanirie kiuria bunge-ini ya bururi kuri kamitii ya kigina na banjeti oro kigimainie na ndeto ici cia uici wa nduthi na makiria cia ngombo hamwe na marihi mahithanie na maria makoretwo magicungiriria kambuni iria ciendegia nduthi na ngombo gutaha nduthi ici, undu uria urehe mukayo munene kuri aria makoretwo na nduthi ici cia ngombo bururi-ini.