Mwenyeri Kelvin Kiptum gukua mutino-ini wa barabara.

Bururi wa kenya undu umwe na thi ngima marathii nambere na gucakaya gikuu gia njorua ya thi mahenyaini ma gutua ng’ongo kelvin kiptum thutha wake gukuruhanio na mutino wa ngari kuria arateire mwerekera na arakua hau hau. Kiptum uria urerikana gukorwo akienyera na thimindi ya iguru, arakuite munoori wake Gervais Hakizimana uria onake urakuire hau hau, undu umwe na muiritu ungi uria kwa ihinda riri ararigitwo nguraro njuru. Kiptum ambiriirie thabari yake ya kwandikithia ngoga, thutha wa kuhiuka na uhotani mahenyaini ma valencia mwaka wa 2022,riria andikithirie thimindi ya iguru makiria.mwaka wa 2023,kiptum uria ni wa ukuru wa miaka 24,noahiukire na uhotani ungi mahenyaini ma London Marathon, thutha wa kwandikithia ihinda ria mathaa 2:01:25.Ihenya riria riamuheithirie ngumo makiria ni ria mweri wa October, hindi iria abunjire rekondi ya thi ng’ima na akiandikithia rekondi ya mundurume wa mbere kuhiuka matu makagamba ta firingi, na kwandikithia thi wa mathaa 2 na dagika 1,kuria andikithirie mathaa 2:00:35 na kweheria rekondi ya eliud Kipchoge na sekondi 34.Rekondi ino yake irekirirwo gaturumo kiumia kihituku kuria arethagathagaga kwandikithia rekondi ingi njeru mahenyaini ma roterdam marathon mweriini O uyu tariki 14,na oho arari umwe wa aria marari marirukie bendera ya kenya nyumbuthukoini cia Olympics cia mwaka uyu. Andu matiganiite matongoretio ni mutongoria wa kiama kia mahenya thii ngima Sebastian coe, president wa guku bururiini william Ruto, njorua ya mahenya ma gutua ng’ongo Eliud Kipchoge hatagati ka angi nimathiite nambere na kurekereria ndumiriri ciao cia macakaya.