THUKURU CIA ARUTWO ARIA MARI NA WATHE KUIGUA KOHOYA MAHEO ARUTANI MAKIRIA
Written by Kayu Digital Team on February 3, 2024
- NAIROBI & ENVIRONS 91.0 | MT KENYA REGION 91.1FM
Riri thirikari ikirire na njira nene mihang’o ya guthuka mathomo kuri arutwo bururi-ini, kiama kia ciana iria ikoragwo na wathe wa kuigua bururi-ini nikio Kenya Society For Deaf Children nigitindikite ritana kuri thirikari itikire kuandura kigina kia mathomo hari arutwo aya hamwe na arutani.
George Gachanja na uria ni mutabariri wa mihang’o thiini wa kiama giki niwe ukunjurite ritana riri kuri thirikari akiuga ihinda-ini riri murutani umwe aratungatira ciana gatagati ka 30-40 hari oro kirathi mugaru na uria kwagiriirwo kuria murutani agiriirwo gutungatira arutwo 12, riu magiikia ritana namba ya arutani ikorwo ikiongorerwo ni kanju ya wandikani wa aruatni nio TSC.
Makiria ma uu kiama giki nikihoete thirikari itikire kuandura kigina kia oro murutwo hari mathomo nikio Capitation, makiuga kiria marathukjirwo ni ministry hari oro murutwo ni kinini makiria kumana na moritu maria makoragwo mohanitio na mathomo ma ciana iria ikoragwo na wathe uyu wa kuigua, riu makiuria onakio kiongererwo.
