ATONGORIA LAIKIPIA KURUTANA KURI THIRIKARI IGACIRITHIE UGITIRI
Written by Kayu Digital Team on February 3, 2024
- NAIROBI & ENVIRONS 91.0 | MT KENYA REGION 91.1FM
Muingi unyitaniri na atongoria kuuma kaunti-ini ya Laikipia ni urutite mukana kuri thirikari wa gutungania mihang’o igwete ya kugacirithia ugitiri kaunti-ini ino.
Makiria thutha wa kunyitanira na bamiri na arata mathiko-ini ma mwonjoria Lucy Wambui Jennings na uria wiriga kuhurwo makiria ma rithathi 10 ni andu matoikaine mwena wa Rumuruti kaunti-ini ino, muingi na atongoria ari ni hamwe na Senator John Kinyua na mumbunge Wacira Karani nomoritie minister wa ugitiri Kithure Kindiki oke na njira cia gutigirira niagarurira ugitiri wa kaunti ino, riu makiuga matiguikara thin a kwirore mikora ya migunda hamwe na mahiu ikinyamaria muingi ringi kaunti-ini ino.
Kaunti ya Laikipia ni imwe ya kaunti iria ikoretwo na mathina kihiri ma uhaguku wa ugitiri na uria ukoretwo ugiakiririo ni mikora ya uici wa mahiu oro hamwe na andu angi aria makoretwo ma thuti wa migunda ya andu kiumbe.
