ARUTANIA JSS ARIA MARETIA BITHI YA MATHOMO KUHEO MUKANA NI PRESIDENT
Written by Kayu Digital Team on February 3, 2024
- NAIROBI & ENVIRONS 91.0 | MT KENYA REGION 91.1FM
Kuuma Monday inyui arutani anene muraingata arutwo thukuru cia muingi niundu wa bithi ya mathomo ma Junior Secondary nimukuonana na thirikari kuona ciringi mbirioni 7.5 ni irikitie gutambio mathukuru-ini niguo kunyitirira mathomo matari marihi ma JSS.
Ni mukana ukunjuritwo ni President William Ruto ari kaunti-ini ya Kakamega, akiuga mbeca iria thirikari irarekereirie hari mathomo ma JSS niciiganite arutwo gukorwo magithoma hatari ndururi ingi igiru, na uguo akoria kaunti komichina unyitaniri na anene a githomo kaunti-ini gutigirira gutiri murutwo uri mucii nikwaga mbeca cia mathomo ma JSS bururi-ini.
Maya mokite riri ningi oro akinyiririe gutiri murutwo wagiriirwo kuingatwo nikwaga nguo njeru cia mathomo ma JSS akiuga arutwo aria aciari matari na uhoti magiriirwo kuheo mweke wa guthoma na uniform cia nahau kabere nginyagia riria aciari ao makagia na uhoti wa kugura ingi njeru, akiuga uyu nduagiriirwo gukorwo uri muhinga wa kugiriria arutwo guthukirwo mathomo thukuru-ini cia muingi ona hanini.
