KANITHA KURIO INYITE ITEMI RIA KUHITANA NA NJOHI MATURA-INI
Written by Kayu Digital Team on February 2, 2024
- NAIROBI & ENVIRONS 91.0 | MT KENYA REGION 91.1FM
Riri thirikari ikinyiririe makiria hari kuhitana na njohi cia maigirira na iria iracungiriria mbeu njithi kuananga miturire yao iri oro miaka-ini ya withi, mutumia wa munini wa president niathingatite kanitha gwitikira kunyita itemi hari gutirira ruciu rwa mbeu njithi aya.
Akiaria ari gicigo-ini gia Karuri, Kiambaa kaunti-ini ya Kiambu, Pastor Dorcas Rigathi augite atongoria a kanitha na etikia nimagiriirwo kwiiga gatagati ka mbara ino matura-ini, kuria augite kanitha no ihuthike ta cecedni cia kugarurira miturire ya aria merikanitie na njohi ici matura-ini.
Gukiri uguo nioritie mbeu njithi gwithemana na ciiko ici, akiuga ruciu rwa riri rwaya kumoca kungikinya mbeu njithi matigwitikira kugarurira ciiko ici, mumbunge mutumia kaunti ino Ann Wamuratha agikinyiriria niekunyitanira na atongoria othe kaunti-ini ino gutigirira nimahitana na ciiko ici kaimana kaunti-ini ya Kiambu.
