ANDU 2 GUKUA NINIMBI-INI CIA MWAKI WA GAS EMBAKASI NAIROBI
Written by Kayu Digital Team on February 2, 2024
- NAIROBI & ENVIRONS 91.0 | MT KENYA REGION 91.1FM
Andu 2 nimekiritwo mukonde gukorwo makuite riri angi makiria ma andu 222 matigitwo na nguraro cia ikiro itiganite uu ari thutha wa ninimbi cia mwaki kumunda kiganda-ini kimwe gia gwikira gas itura-ini ria Mradi Embakasi, Nairobi.
Kuringana na ndumiriri ya mwaria wa thirikari Isaac Mwaura niati mwaki uyu niati mwaki uyu uratuthukire kuuma lori irari ikuite Gas na thutha ucio gucoka guthegea nginyagia kambuni ingi hamwe na micii imwe ya andu, eri aria makuite akiuga makuiriire thibitari-ini wa Nairobi West makiamukira urigitani.
Mkairia ma uu, Mwaura ndumiriri-ini yake augite angi angi 222 nimarathii nambere na kwamukira urigitani thibitari ngurani Nairobi, kuria hari aya andu 21 mari thibitari-ini munene wa Kenyatta, andu 160 makiamukira urigitani thibitari-ini wa Mama Lucy, 19 makirigitirwo thibitari-ini wa Mbagathi, 14 mari thibitari-ini wa Modern Komarock riri nao 8 maramukira urigitani thibitari-ini wa Nairobi West.
Mwena-ini wake kamanda wa borithi wa Nairobi Adamson Bungei akiuga uthuthuria kuuna niwarukitwo niguo gukurana kiria kiracungiriria kihumo kia mwaki uyu.
