RIBOTI YA T.I IGIMANIE NA UNGUMANIA BURURI-INI
Written by Kayu Digital Team on January 31, 2024
- NAIROBI & ENVIRONS 91.0 | MT KENYA REGION 91.1FM
Onathengia wa thirikari unyitanitiri na honge cia kuhitana na ungumania ta EACC gwikirira hari mbara ya kuhitana ungumania bururi-ini, mbara ino no ithiite nambere na gwithecerera na njira nene.
Uu ni kuringana na riboti ya kambuni ya Transparency Internation yam waka muhetuku hari mabururi kuria Kenya igathikitwo number 126 hari mabururi 180 guoka ni kuhitana na ungumania, murugamo uyu mweru ugicokia bururi na thutha makinya matatu haria wari mwaka-ini wa 2022 kuria wari namba 123 hari mbara ino, murugamo uyu ugithuka points 31 hari Kenya handu-ini ha point 100 na iria irari githimi kia iguru gia kuhitana na mbara ino.
Thiini wa murugamo uyu mweru wa kuhitana na ungumania hari mabururi, Denmark niguo bururi uria uri ciiko nini cia ungumania riri bururi wa Somalia uri mutiru na mbara ino, gitaru-ini kia Africa ya Irathiro Rwanda na Tanzania ikiyukia murugamo wa mbara ino iguru ria Kenya.
