Timu ya Bururi ya kabira ka hockey nimatugiritie bendera ya Kenya na njira njega, hari ngucanio iria cirathii nambere na gututhuranwo cia thi ng’ima cia inaugural FIH world cup

Timu ya Bururi ya kabira ka hockey nimatugiritie bendera ya Kenya na njira njega, hari ngucanio iria cirathii nambere na gututhuranwo cia thi ng’ima cia inaugural FIH world cup, na iria cirarimanirwo mwena wa Muscat Oman. Uu ni thutha wa njorua ici cia guku bururiini gubirabira aruna ao na kumatha kanya ga kwamburana gikiroini gia quater finals. Imwana ici ciramathire kanya gaka thutha wa gukanika aruna ao a Australia na igutha ria mbao 7-4 muthenya wa ira. Kenya hari ngucanio 3 iria matamuraniite ngucanioini ici mamathite pointi 6,kuria riu Kenya magweterera ngarangano gatagati wa Trinidad and Tabogo na Newzealand niguo kumenya ni bururi uriku ugutiriha ugithunurira gavumbiriini ka group C. Trinidad mamathiite pointi 4 kuria Newzealand
mating’uritie mamathiite pointi 1,uu ari kuuga uhitahitaniri wa nuu ugwithunurira gacumbiriini ka ngumuthurano ici wi gatagati wa Kenya na Trinidad and Tabogo. Umuthi Kenya matanyitwo kurimana na oman kana Malaysia hari quaterfinal. ngucanio icio ingi cia Quaterfinal ciranyitanwo mashati gatagati wa Egypt na Poland, kuria nao Netherlands makurimana na India.