MUINGI WA KIRINYAGA KURIA THIRIKARI ITHUKE MATHOMO MA UTHAMBIRI KURI AIKARI MWENA UYU
Written by Kayu Digital Team on January 30, 2024
- NAIROBI & ENVIRONS 91.0 | MT KENYA REGION 91.1FM
Kurumirira ugwati munene ukoragwo ung’etheire muingi uria uthiururukiirie ruui rwa Nyamindi, aikari kaunti ya Kirinyaga nimathingatite thirikari itikire kunora mbeu njithi mathomo ma uthambiri wa muanya niguo guteithagiriria riri kwagia na ugwati wa andu kugua ruui-ini.
Kuringana na muingi na uria uri gukuhi na ruui ruru niati ugwati munene uria makoragwo naguo ni kwaga andu mari na ugi wa guthambira na aria mangikoragwo mari na uguni munene na makiria riria mitino yahanika kuona no mahotage na njira ya ihenya kuruta aria matungana na mitino ya kugua ruui-ini ruru.
Ritana riri ria muingi uyu riukite kuimia kimwe tu thutha wa mwiri wa mwanake waguite ruui-ini ruru guikara thiku 22 ruui-ini ruru mbere ya arutitwo.
