Current track

Title

Artist

ATONGORIA A JUBILEE KUAGITHIA KIENE NDERETI YA KIHITANIRA GITURUA KIA DP 2027

Written by on January 29, 2024

  • NAIROBI & ENVIRONS 91.0 | MT KENYA REGION 91.1FM

Riri ndereti ya nuu wagiriirwo guikorwo agithukirwo giturua kia munini wa presidenr William Ruto ithurano-ini cia 2027 gatagati na Rigathi Gachagua na Ndindi Nyoro ikoretwo igiakiriria mwamukano gatagati ka atongoria na muingi gitaru-ini kia Mt Kenya, atongoria kuuma kiama kia Jubilee nimagithitie kiene miario ino makiuga ndiri na uguni oro wothe kuri muingi wa gitaru giki.

Makiaria amri gicigo-ini bunge kia Limuru abunge a nahau kabere Peter Mwathi na Jude Jomo unyitaniri na mubunge wa ihinda riri wa Starehe Amos Mwago maugite hinya wa mugiku ukumana na gukorwo ari kiama-ini kimwe na kiria gikurikania mugiku gikabu-ini kimwe niguo kugia na urumwe, na oho magakinyiriria mugikuyu ti mundu wa kuhitanira giturua kia munini wa president no indi kuringana nao agiriirwo kuhitanira na kuonania mayu hari giturua kia uthamaki wa bururi.

Miario ya atongoria aya yukite riri nakuo kaunti-ini ya Nyeri, muteti na mwonjoria Thuo Mathenge akinyiririe kuagithia kiene ndereti oro ino ya 2027 ya giturua kia munini wa president, akiuga ihinda riri ruriri rwa ugikuyu rwagiriirwo gukorwo ruriri utongoria-ini wa Rigathi Gachagua, na uguo kuria aria marakiriria uteti wa 2027 matiganirie ndereti ino ihinda-ini riri na matungatire muingi.


Current track

Title

Artist