NJOHI KWAMBIRIRIA KWENDIO SAUDI ARABIA, MIAKA 72 KUUMA RIRI YARUGAMIRIO
Written by Kayu Digital Team on January 25, 2024
- NAIROBI & ENVIRONS 91.0 | MT KENYA REGION 91.1FM
Ari ni rita ria mbere thutha wa ihinda ria miaka 72, bûrûri wa Saudi Arabia niwambiriirie mihang’o ya kûregeria mawatho maruru maria ukoretwo namo ma kugiriria thuguri oro yothe ya njohi bûrûri-inî ûyû.
Onagutuika uregeria uyu wa watho wa wendia na uhindi wa njohi utanyitwo kuguna andu a mabururi mananja na makiria aria mari wira-ini wa mabarothi ma mabururi mao, njîra îno niyonekanite ta ikereka ria mbere ria bûrûri uyu guthengia watho wa kugiria thuguri ya wendia na unyui wa njohi bûrûri-inî ûyû na uria wahagikirwo mwaka-ini wa 1952 ûû ari thutha wa muriu wa King wa ihinda riu kuratha na kuraga barothi wa Ngeretha hindi iyo bûrûri-inî uyu, kuria erikanite agerire ngero îno kumana na wakiriria wa njohi îrîa ahindite.
Thirikari ya Saudi Arabia itanyite kuhingura nduka ya njohi hakuhi na mabarothi ma mabururi ma nanja mucii-ini wa Riyadh, thuguri îno ya njohi igitanywo gukunjurwo kurî oro raiya a mabururi manja aria mari mabarothini maya na aria ni ti a ndini a giithiramu, ikinya rîrî rikionekana ta ria King wa bûrûri uyu kwambiriria kugarurira watho wa wendia na unyui wa njohi bûrûrini uyu mbere ya mwaka wa 2030.
