Munini wa muikariri giti kirabuini kia bandari fc Twaha Mbarak, nionaniitie miito ya kurugama gaturwa ka mutongoria wa FKF.

Munini wa muikariri giti kirabuini kia bandari fc, kiria gitungataga ligiini nene ya bururi kpl Twaha Mbarak, nionaniitie miito ya kurugama gaturwa ka mutongoria wa kiama kiria kiramataga maundu ma kabira guku bururiini Football Kenya Federation (FKF).Twaha augiite akinyaniirie matua maya, kuona akoretwo na miito ya gukwamura kabira bururiini haria gakwamiite,akiuga maundu ma kabira makoretwo matari mega kurumirira utongoria mooru kiamaini giki,na we niwe wina kihonia kia maundu maya. Agithiii nabmere na kuuha muingi kumuhe kanya gaka, augiite niegutigirira niarora mbeu njithia aria mena iheyo cia kabira, niguo gutigirira timu ya kenya riria yathii nja niyarirukia bendera ya kenya na njira njega.Twaha uria hau kabere ari munini wa muikariri giti kiamaini giki, eraniire ati angikamatha kanya gaka niakaraniria na thirikari cia matura na aigithia ,niguo gutigirira ligi ciothe bururiini niciagia na acinyitiriri kimuhuko.Githurano giki kiria gitanyitwo gutabanio muicoini wa mwaka uyu,githiite nambere na kuguciriria ahitahitaniri maigana una, aria ni hamwe na Hussein Mohammed na Sammy Kempes Owino, gatagati ka angi.