Kieha na wagagu thutha wa mutumia ungi wa miaka 55 gukorwo oragitwo na njira ya gutemangwo ngingo na agacooka agatinio ciiga imwe cia mwiri, Gatundu Kiambu
Written by Kayu Digital Team on January 23, 2024
- NAIROBI & ENVIRONS 91.0 | MT KENYA REGION 91.1FM
Abithaa a borithi kuuma GAtundu Ya muhuro kaunti-ini ya Kiambu nimanjiriirie uthuthuria wa njuragano ya magigi ,iria ikuruhanitie mutumia wa ukuru wa miaka 55
Mutumia uyu oragitwo na njira ya guthecwo na kahiu maita meri ngingo-ini guku kiiga kimwe gia thiri gitinitio
Kuringana na ndumiriri ya abithaa a borithi mutumia uyu atanacemania na gikuu giake arambite guthii kanitha muthenya wa ira, na amu niaratanyitwo guikinyia kigomano-ini na bamiri yake, thutha wake gucererwo na kwaga kunyitikana na thimu niguo marambikire njira cia kumucaria , na thutha wa kumenyithio ni umwe wa aria marigainie ati kuri na mwiri wa mutumia wonekana uuragitwo na ugaikio mutaro niguo bamiri ino irahurire riboti kuri abithaa a borithi
Mwiri wa mutigairi ni utwaritwo mocari-ini ya thibitari wa Gatundu level 5
Undu uyu ukite riri ciiko cia atumia na airitu kuragwo ithiite nambere na kuihiriria , atongoria makiuria thirikari guikia ngono aria maratabania njuragano ici