President William Ruto undu umwe na mucirithania munene Martha Koome nimatabaniitie mucemanio thingira-ini wa iregi.

President William Ruto undu umwe na mucirithania munene Martha Koome nimatabaniitie mucemanio thingira-ini wa iregi. Mucemanio uyu ukiite riri President akoretwo akiuga ati ruhonge rwa ucirithania nirukoretwo rukihuthirwo kuhotomia tabarira cia uthii wan a mbere na Kuria President akoretwo akiuga ruhonge ruru nirugumiirwo ni damathia ya ngukumio.
Mucemanio uyu ukiite thuutha wa eeri aya kuonania wendi wa kugia na giikaro na kunina njukaniriro iria ikoretwo ho.
Hamwe na angi aria megwikinyiitie thiini wa mucemanio uyu ni speaker wa bunge ya bururi Moses Wetangula.

Hindi ya mucemanio ucio honge ciothe ithatu cia thirikari nicitikiraniirie ati bururi niung’etheirwo ni damathia ya ungumania na iria yonekete kwihanda miri thiini wa sekta itiganiite cia thirikari na kwoguo ni hari bata wa kuhurana na damathia ino honge ici ithatu ikiiranira wirutiri wacio hari kuhukia ciiko ici cia ungumania .
Honge ici riu igitanywo kuumba mitaratara , mawatho na mendikithia ma uria cingigacirithia mootungata macio kuri muingi undu umwe na njira iria ingihuthika kuhurana na ungumania na kuria mendikithia maya matanyiitwo kuneanwo thiini wa thiku 30 kuri kanju ya kibururi ya wathani na kihooto niyo Nationa Coucil of Administration of Justice na iria muikariri giti wayo ni mucirithania Munene Martha Koome .
Ihinda-ini o riu ruhonge rwa ucirithania rukiiririwo kuongererwo kigina thiini wa budget ya ruo niguo kuhotithia gukinyaniria mootungata maruo kuri muingi . Oho ruhonge rwa ucirithania rukiirirwo kwandikwo majaji makiria ; majaji 25 magitanywo kuongererwo thiini wa igooti inene undu umwe na jaji angi 11 a igooti ria gucookia maciira riko.