IHENYA RIA UPRESIDENT HARI DONALD TRUMP KUHURWO NJEKI AMERICA
Written by Kayu Digital Team on January 22, 2024
- NAIROBI & ENVIRONS 91.0 | MT KENYA REGION 91.1FM
Matanya ma uria wari president wa America Donald Trump ma kugia na mweke wa kurirukia bendera ya kiama giake kia Republican ithurano-ini cia upresident mwaka-ini uyu nimahuritwo njeki uu ari thutha wa ngabana wa gicigirira kia Florida Ron DeSantis kwiyehutia kihitahitano-ini giki na gutacukia ikinya ria kumunyita mbaru ihenya-ini riri.
Ikinya riri riri ria DeSantis ria guthenga kihitahitano-ini giki riu ritigite Trump ari na mung’ethnairi umwe na uria ni uria wari governor wa South Carolina Nikki Haley na uria wihitite guthii nambere na kihitahitano giki nginyagia dagika ya muthia, akiuga ari na uma ati nowe mundu uria ungitorania na kuhita president wa ihinda riri Joe Biden marebe ma kura mweri-ini wa 11 mwaka-ini uyu.
DeSantis atiganirie ihenya riri ria gucarania na tigiti wa kiama giki, muthenya tu mbere ya ithurano cia gitaru kia New Hampshire na iria ithaganitio muthenya wa ruciu, ici igiuka riri riri Trump erigite gukua uhotani munene wa gicigi kia 51 hari igana gicigirira-ini kia Lowa.