MUDAVADI GUTETERA NGWATANIRO YA KENYA NA MABURURI MANGI

Kurumirira miario nyumba-ini cia mohoro ati bururi-ini wa Kenya uri na haranio cia heho na mabururi maria marigainie, thirikari niiyumitie na kuagithia kiene riboti ici ikiuga itiri na mithingi ya uma ona hanini.

Nyabara munene wa maminister na uria nowe minister wa maundu ma nanja Musalia Mudavadi niwe uhithuririe miario ino, akiuga bururi wa Kenya nduri na haranio oro ciothe na mabururi maria urigainie namo, na uguo aria maratambia ndeto ici gwikirira makiria kwenjera uma wacio kuona augite gutiri handu bururi uyu urikaine na mbara oro ciothe na aruna ao gitari-ini kia Africa ya Irathiro, akihithuria ona president Ruto niakoretwo na kibarua kinene gia kugeria kurehe thayu mabururi-ini maria marigainie na Kenya riri mbara cieyumiria.
Miario ino ya Mudavadi yukite riri bururi wa Kenya ukoretwo na muku wa kiwonjoria na mabururi ma Tanzania na Uganda matuku ma icda ikuhi, Tanzania ikiaruka kuruta mukana wa thabari cia ndege cia KQ guthii bururi-ini undu uria uracokire kwaririo na gutuithanio, riri naguo bururi wa DR Congo urarukite haranio ciaguo na Kenya iguru ria kuonekana ta urahe mweke ikundi ndegania bururi-ini ucio cia kuregana na thirikari.