KWAGIRITHIA MATHUKURU MA MUINGI KANDARA

Ari ta njira ya kwarahura thekita ya mathomo gicigo-ini bunge gia Kandara, kaunti-ini ya Murang’a, Mubunge wa gicigo giki Chege Njuguna niakite mubango wa kurehe riri mweru hari mathukuru ma muingi, mubango uria wambiririe thukuru-ini wa Kiranga, kuria irathi 12 hamwe na staffroom ihetwo riri mweru.

Kuringana na mubunge uyu mihang’o ino atanyite gutungania mathukuru-ini maria mari gicigo-ini giki kia ubunge na njira ya guikira tiles na kuhura plaster nja na thiini kuria kiumia giki mathukuru mana mahetwo riri uyu ari ni maria ma Kirigithu, Kiangari, Karigui-ini na Kiranga mworoto akiuga ni kuhe arutwo riera riagiriru ria mathomo na makiria thukuru-ini cia muthingi gicigo-ini giki gia Kandara.