MATUA MA CIRA WA MAWATHO MA URIGITANI GUTUNGANIO UMUTHI

Igoti ria gucokia macira riko umuthi rigukorwo riri rungu rwa kabiru ka muingi hamwe na thirikari iguru ria matua ma ciira uria uhanditwo ni thirikari wa gutetia urugamia wa urutithia wira wa mawatho maria meriga kuhurwo kirore ni president wa kurehe mogaruruku hari ruhonge rwa urigitani.

Acirithania atatu ari ni Patrick Kiage, Pauline Nyamweya na Grace Ngenye Macharia nio matanyitwo kuheana matua ma cira uria wahandirwo mbere ya igoti riri ni minister wa urigitani na munene wa watho wa gutetia matua ma igoti inene ma kurugamia urutithia wira wa mawatho maya meru ma urigitani na maria thiini wamo mari na mogaruruku ma nginyagia utungata wa ruhonge rwa NHIF na ruriria rutanyitwo kugarurirwo na gutuika Social Health Insurance Fund kana SHIF.

Hari mogaruruku maya ma utungata wa SHIF, marihi ma oro mweri hari bamiri magathikitwo gukorwo mari gichunji kia 2.5 na maria ni ma oro muhaka kuria maria ma thi makiria mahagikitwo gukorwo mari ciringi 300 kuuma ciringi 500 na iria irarutwo ihinda-ini riri, thirikari ikigathiriria mogaruruku maya na maria mang’etheirwo igoti-ini ni kiama kia arigitani bururi-ini KMPDU.