MUNDURUME KUHITHUKIRA NA GUTHECATHECA MUTUMIA WAKE WANAHAU KABERE NA KAHIU
Written by Kayu Digital Team on January 18, 2024
- NAIROBI & ENVIRONS 91.0 | MT KENYA REGION 91.1FM
Mabithaa a borithi kuuma itura ria Muguga, Kabete kaunti ya Kiambu nimahonoketie mundurume umwe magego-ini ma muingi uma na mathuguta uu ari thutha wa kuhithukira andu eri na kumagera ngero ya guthecatheca na kahiu.
Kurerikana mundurume uyu wa miaka 43 ahithukiire nyumba ya mutumia wake wanahau kabere na kwaruka kumugera ngero ya kumethanga na kahiu hamwe na mundurume amukorire nake nake nyumba na gucoka kwambika mihang’o ya gwithara, no muingi wakorwo wakinya na gucingiriria wee kwihingira nyumba.
Kuringana na kamanda wa borithi wa Kabete niati mundurume uyu acokire kuhonoikio ni maabithaa a borithi magego-ini ma muingi ukuendaga kumugera ngero ya kwirihiria kumana na giko giake, kuria aria nao agerire ngero makorirwo makiguthukio thibitari-ini wa Thogoto kwamukira urigitani kumana na ngero iria mauma matungio.
