BAITA YA RELI YA KIRIU NIO SGR GUTHII NAMBERE NA KWANDUKA
Written by Kayu Digital Team on January 17, 2024
- NAIROBI & ENVIRONS 91.0 | MT KENYA REGION 91.1FM
Wongerereku wa mihang’o ya gukua mirigo hamwe na andu kugerera mugithi bururi-ini ni uracungiririe baita iria yumanite na reki ya kiriu kwanduka na gichunji kia 21.2 hari igana mwaka-ini muhetuku wa githirikati.
Kuringana na ndariu kuuma kuri ruhonge rwa Reli bururi-ini niati reli ya kiriu nio SGR irandikithirie baita ya ciringi birioni 18.2 mwaka muhetuku ukiringithania na baita ya ciringi birioni 15.01 na iria yandikithitie mwaka-ini wa 2022, uyu ari ni mwaka wa 5 kirumaniririo hari SGR kwandikithia baita kuumayarugurio ni president muhuruku wira Uhuru Kenyatta mwaka-ini wa 2017.
