Current track

Title

Artist

Sammy Amollo Pamzo niwe utanyitwo gukahonokia kirabu kia Shabana FC ligiini nene ya gibururi kimera giukite

Written by on January 16, 2024

  • NAIROBI & ENVIRONS 91.0 | MT KENYA REGION 91.1FM

Ciugo cia urugamiriri wa kirabu gia Shabana FC, cia ati Sammy Amollo Pamzo niwe ukuhonokia kirabu giki kuumana na ruhiu rwa marakara rwa kumacerehura kuuma ligiini nene ya bururi kimera giukiite, miario ino niyambiitie guciara matunda, na riu timu ino ndiri ugwatiini uyu ringi. Shabana hari ngucanio yao ya mbere rungu rwa unoori wa Sammy Pamzo, matirahekaga uhoro onathengia wa gukorwo maratamuranagira ugenini, kuona marahumbire aruna ao Nzoia Sugar thoni kiharoini gia Sudi Stadium, kuria maramahimbitire ikong’orio ria mbao ingi na ingi mbao 5-2. Hau kabere Pamzo na uria wateithiriirie imwana cia Tusker FC kumatha uhotani wa ligi nene ya guku bururiini mwakaini wa 2016,erumiite kini gutigirira Shabana nimatiriha ndamurano ici mari amwe a aria megwika wega makiria kimera giki. Thutha wa wanasukari Nzoia Sugar gukimithurwo, riu nio manyitiriire gating’oe ligiini ino, na pointi 13 mathakiite ngucanio 18.


Current track

Title

Artist