PRESIDENT RUTO GUKINYIRIRIA UNGUMANIA HONGE-INI CIA THIRIKARI NO NGINYAGIA UHITANWO NAGU
Written by Kayu Digital Team on January 16, 2024
- NAIROBI & ENVIRONS 91.0 | MT KENYA REGION 91.1FM
“Nii nindiharirie ihinda oro riothe kwaraniria na atongoria anene a honge igiri cia thirikari iguru ria uria tukuhitana na ungumania thiini wa honge ciothe ithatu cia thirikari”
Miario ino ikunjuritwo ni president William Ruto ari kaunti-ini ya Nandi umuthi kuria augia wee ta mutongoria wa ruhonge rwa wathani nieharirie ihinda riothe kugia na mucemanio na honge cia bunge na magoti iguria ria uria mekuhita ungumania thirikari, na makiria hari aria marenda gukungia wara hari kurugamia tabarira cia thirikari kugerera ukunjuri w amahaki magoti, miario yake igiuka muthenya umwe tu thutha wa mucirithania munene kuuga ruhonge rwa magoti nirwiharirie kugia na mucemanio na president hari guteithurana ndugamano ya honge cia thirikari.
Ndumiriri ino ya President yoka riri nake munini akinyiririe ung’etheri wa atongoria aria makoretwo makirairia ndereti ya ithurano cia 2027 kuuma mwahu-ini wa thirikari, agikinyiriri miario ni undu umwe na kwagira gitiyo president kuona no hindi arambiririe mitaratara ya kuhingia ciiraniro cia thirikari na iria atanyite augite ciaya kuagagio ni ndereti cia ithurano na iria iri miaka 3 na nuthi iria iroka.
