MUINGI NA ATONGORIA GUCAKAYA GIKUU KIA LIZZIE WANYOIKE
Written by Kayu Digital Team on January 15, 2024
- NAIROBI & ENVIRONS 91.0 | MT KENYA REGION 91.1FM
Kurumirira gikuu kia murugamiriri munene wa thukuru wa Nairobi Institute of Business Studies kana NIBS Lizy Wanyoike hwai-ini wa ira, atongoria na muingi no mathiite nambere na gukunjura ndumiriri ciao cia macakaya.
Lizz na uria ukurikanite miaka kihiri na gukorwo ari gitugi kia thekita ya mathomo bururi-ini arahurukire hwai-ini wa ira ari na ukuru wa miaka 72, atongoria makihanda ndumiriri itiganite cia macakaya iguru ria gikuu giake.
Minister wa utungata wa muingi Moses Kuria, mutongoria wa aria aingi bunge-ini ya bururi Kimani Ichung’wa, ngabana wanahau kabere wa Kiambu William Kabogo ni amwe gatagati ka angi aria makunjurite ndumiriri ciao cia macakaya iguru ria gikuu giki, makiuga bururi niworwo ni njorua thekita-ini ya mathomo oro hamwe na wonjoria kuona tiga mathomo no araigithitie thekita-ini ya mikawa.
Lizzie na uria ni muciarirwo wa kaunti ya Murang’a, arukire wira wa urutani thutha wa kurikia mathomo ma urutani mwaka-ini wa 1972 thukuru-ini wa State House Girls na thutha-ini agicoka kuingira mathomo-ini ma college na kuri mwaka-ini wa 2000 ambiririe thukuru wake wa NIBS na arutwo 25, na uria gukinyithia umuthi unyotorete makiri ma arutwo na mathomo thekita-ini itiganite cia ukuri wa bururi.
