RUHONGE RWA WATHANI NA BUNGE KURIO ITIE WIYATHI WA MAGOTI.
Written by Kayu Digital Team on January 13, 2024
- NAIROBI & ENVIRONS 91.0 | MT KENYA REGION 91.1FM
Riri honge cia thirikari na makiria ari ni iria ya wathani na bunge ironekana kurorereria ndurumeni ya mbara kuri ruhonge rwa magoti, bunge niyuritio ithaganie mogaruruku ma mawatho maria irona mari na mahoro thiini wa gatiba handu-ini ha gukinyirioria mbara hari ruhonge rwa magoti.
Ni miario ikunjuritwo ni muteti Dr Moses Mwangi kuuma kaunti-ini ya Murang’a, na uria onake ukiriire makinya ma honge ici cieri ari ni wathani na bunge hari gukirira magoti, akiuga gatiba ya bururi yagiriirwo gutiyo ni Akenya othe hatari kurora gikiro giake kia utungata bururi-ini kuona kuringana nake iri na utauku wa mawira ma honge ici ithatu hatari ucuke, riu akiuria president na ateti athiritu ake aria mari na mutugo wa kung’ethera magoti metikire kurora utiganu wa honge ici ithatu cia wathani bururi-ini rungu rwa gatiba.
Miario ino ya Dr Moses yukite riri kiama kia mawakiri bururi gikinyiririe murugamo oro uyu wa kuria ateti kuhe ruhonge rwa magoti mweke wa gutungata kuringana na gatiba ya bururi.
