Tutigitie oha nini tu, tuhature bururi uyu mathina-ini ma kuhaguka kwa utonga na uguo thogora wa uturo kuri muingi uhuthe kaimana – president William Ruto kwira akenya

Onathengia wa akenya aingi gukorwo Mario hatika-ini na makiria ya thoghora wa iguru wa uturo, thirikari ni ikinyiririe kuri na mwihoko kuuma mweri uguka wa dithemba wa maundu kugaruruka na kwambiriria kuhutha makiria hari thogora wa uturo.

Miario ino ikunjuritwo ni mutongoria wa bururi William Ruto uu ari thutha wa gutongoria igongona ria ukunguiri wa mwaka umwe wa kigika kia Hustler Fund na kiria gikoretwo gikinyangio kugerera njira ya ngombo ni thirikari, akiuga mathina kihiri maria maragumiire bururi, mamwe ari ni maria ma kuremererwo ni kuriha ngombo cia bururi nimamanitwo na bururi kuona kuringa nake riu thirikari iri na uhoti wa kuriha ngombo ciothe iria irari irihe mweri uguka hatari na uritu oro wothe.

Na kuona aingi a aria makoretwo makioya ngombo ici thirikari yugite ni onjoria a gikiro gia thi, munini wa president Rigathi Gachagua nioritie mangabana bururi-ini macaria njira cia kunyitirira onjoria anini matauni-ini mao, handu-ini ha kumahamurithia akiuga aingi ao makoretwo magikinyaniria urihi wa mbeca ici kugerera thuguri cia oro muthenya matauni, na uguo nakoria maheo kanya ga guthii nnambere na biacara ciao.