WIPER GUKINYIRIRIA KALONZO ANG’ENG’ANE NA RUTO 2027

Gitama kia ithurano cia mwaka wa 2027 gikionekana kwambiriria gutindikirwo ndama ciakio oro gatene gatagati ka ateti anene bururi-ini, kiama kia Wiper nikiarukite kuhurira marebe mutongoria wa kiama giki Kalonzo Musyoka aneo tigiti wa ngwataniro ya Azimio ya ithurano iria iroka.

Makiria thutha wa kugia na kigomano gia kanju nene ya kiama giki, abunge Shakila Abdala na uria nowe mwandiki munene wa kiama giki kia Wiper hamwe na mubunge wa Matungulu Stephen Mule nimaugite kwa ihinda riri mutongoria uria uri na uhoti w akuinukia thirikari ya Kenya Kwanza na uhuthu ni Kalonzo Musyoka, amkiuga mari na mwihoko munene wa Kalonzo muthigi wa utongoria wa mwahu uyu na makiria ihenya-ini riria riroka ria uteti wa 2027 hari giturua kia Upresident.

Makiria ma ciigie uteti, kanju ino ya kiama giki kia Wiper niirutite mukana wa kuhunduka barabara-ini hari mirurungano ya kibururi ya guthing’iriria kumunyura thirikari ya ihinda riri angikorwo kihonia kia miario ya uiguano wa bururi gitikurehe kihonia kia mathina ma thogora wa uturo na uria uri bururi-ini.